ग्ल्याडस्टोनमा रक्तदान सम्पन्न

मध्यपुर ठिमी,फाल्गुन १० |  मध्यपुर ठिमी मिलरोड ८ बोडे भक्तपुर स्थित ग्ल्याडस्टोन एकेडेमी र भक्तपुर उद्योग वाणिज्य संघले प्रजातन्त्र दिवसको पावन अवसर पारेर एघारौं रक्तदान कार्यक्रम सम्पन्न गर्‍यो ।

अतिरिक्त क्रियाकलाप संयोजक नवराज खड्काको संयोजकत्वमा सम्पन्न कार्यक्रममा विद्यालयका शिक्षक,कर्मचारी ,भूतपूर्व विद्यार्थी,अभिभावक,समाजसेवी, शुभेच्छुक तथा पत्रकार लगायत ५६ जना पुरुष र २६ जना महिला गरि जम्मा ८२ जनाले आफ्नो अमूल्य रगत दान गरेका थिए ।

विद्यालयका प्रधानाध्यापक विनोद कुमार कोइरालाले रगत दिई सुरु गरेको कार्यक्रम विहान ११:०० वजेबाट सुरु भइ दिउँसो २:०० वजे सम्पन्न गरियो । ग्ल्याडस्टोन समुदायमा (Gladstone in community )का रूपमा विभिन्न सामाजिक सेवामुलक कार्यक्रम सञ्चालन गर्ने क्रममा विगत ११ वर्षदेखि निरन्तर रूपमा प्रजातन्त्र दिवसको अवसरमा रक्तदान कार्यक्रम सञ्चालन गर्ने गरिएको र यसबाट मानवीय सेवाका साथ अपार आत्मसन्तुष्टि प्राप्त हुने प्रधानाध्यापक विनोद कुमार कोइरालाले बताउनु भयो।