एक्टिभको २५ औँ वार्षिकोत्सवमा ५ वर्ष निरन्तर शिक्षण गर्ने १२ शिक्षक सम्मानित

भक्तपुर, ११ फागुन । भक्तपुरको मध्यपुर थिमीस्थित एक्टिभ इंग्लिश स्कुलको २५ औँ वार्षिकोत्सव शनिबार सम्पन्न भएको छ ।

वार्षिकोत्सवको उद्घाटन मध्यपुर थिमी नगर प्रमुख मदनसुन्दर श्रेष्ठले गरेका थिए । सोही अवसरमा विद्यालयले ५ वर्ष अध्यापन गरेका १२ शिक्षक शिक्षिकालाई सम्मान गरेको थियो । जसअन्तर्गत शिक्षकमा अनुप नकर्मी, राजन सुकुभटु, अजय प्रजापति, तुल्सीराम श्रेष्ठ, प्रविन श्रेष्ठ सम्मानित भएका थिए । त्यस्तै शिक्षिकामा उर्मिला प्रजापति, रीतु प्रजापति, प्रेमा चित्रकार, अनिता चित्रकार, रामलक्ष्मी श्रेष्ठ, अन्जना प्रजापति, सजना प्रजापति सम्मानित भए । विद्यालयमा ५ वर्ष निरन्तर कार्य गरेका आया तिर्थमाया थामी र सीता भण्डारीलाई पनि सम्मानित गरेको थियो ।

त्यस्तै विद्यालयले विद्यालय स्थापनाकालदेखि निरन्तर अध्यापन गर्दै आएकोमा विद्यालयका शिक्षक सागर गरागाईलाई नगदसहित सम्मानित गरेको हो । विद्यालयमा शैक्षिक सत्र २०७५ मा नर्सरीदेखि कक्षा ९ सम्म प्रथम, द्वीतीय र तृतीय भएका विद्यार्थीलाई पुरस्कार वितरण गरिएको थियो ।

वार्षिकोत्सवको अवसरमा अभिभावकलाई अभिप्रेरित गर्नका लागि अभिभावकलाई पनि विभिन्न विद्यामा सम्मानित गरेको थियो । लगातार दुई दशकसम्म आफ्ना नानीबाबुहरुलाई दैनिक स्कुलमा पुर्याउन र लिन आउने अभिभावक पूर्णबहादुर शाहीलाई विद्यालयले सम्मान गरेको हो । साथै नर्सरीदेखि कक्षा १० सम्म सोही स्कुलमा अध्यापन गराएका अभिभावक जगतकृष्ण प्रजापति, दिलबहादुर प्रजापति, पुष्पराज राउत, राजु श्रेष्ठ, तुल्सीबहादुर श्रेष्ठ, रबिन सापाल र बाबुकाजी उप सम्मानित भएका थिए ।

कार्यक्रममा विद्यार्थीहरुले साँस्कृतिक कार्यक्रमअन्तर्गत नृत्य र गीत प्रस्तुत गरेका थिए ।