अभिभावक दिवसमा सुदेशा रत्न प्रदान

ललितपुर । विद्यालयले प्राप्त गरेको उपलब्धी र विद्यार्थीको सिकाइ उपलब्धीलाई मध्ये नजर गर्दै उनीहरुको सीपमुलक शिक्षा तथा भविष्यको एउटा कर्णधार बनाउने कुरामा अहोरात्र खटिरहेको ललितपुर नख्खुस्थित सुदेशा स्कुलले फागुन १६ गते आफ्नो ३६ औैं वार्षिकोत्सव सम्पन्न गरेको छ ।

कक्षा ४ का विद्यार्थीहरुको संस्कृत श्लोक गुञ्जायमानसँगै सुरु भएको उक्त कार्यक्रममा विभिन्न प्रकारका सांस्कृतिक कार्यक्रमहरु गीत, नृत्य, नाटक, चिनीया संगीत, नृत्य प्रस्तुत गरेका थिए । वर्ष भरि विद्यार्थीहरुले प्राप्त गरेका पुरस्कारहरु विद्यालयका प्रधानाध्यापक विरंगना महर्जनबाट तथा अतिथीहरुबाट प्रदान गरिएको थियो ।

विद्यालयका निर्देशक मधु लोहनीले विद्यालयमा पढाइ घोकन्ते मात्रले सिर्जनशीलता नहुने भएकोले सूचना, सहकार्य, समालोचनात्मक सोच र सिर्जनशीलतामा विद्यालयले ध्यान दिनुपर्ने कुरामा जोड दिएका थिए । विद्यार्थीको मनोगत भावना बुझेर पढाइ हुने सुदेशा स्कुल राष्ट्रको अन्तर्राष्ट्रिय पढाइ हुने र सन् २०१७ देखि २०२० सम्म आई.एस.ओ.अवार्ड प्राप्त भएकोले निरन्तर प्रयास गर्न र समुन्त भविष्यको शुभकामना भन्दै कार्यक्रमका प्रमुख अतिथी प्याब्सनका महासचिव कुमार घिमिरेले शुभकामना मन्तव्य व्यक्त गरेका थिए । विशुद्ध तनावमुक्त सिकाइ अवधारणामा पठनपाठन हुने यो विद्यालयको निरन्तर उन्नतिको कामना गरेका थिए । विद्यालयमा हुने गरेको र हुनुपर्ने परिवर्तन र वस्तुस्थितिका बारेमा विद्यालय प्रधानाध्यापक विरंगना महर्जनले आफ्नो मन्तव्यमा व्यक्त गरेका थिए । विद्यालय संयोजक अग्नी प्रसाद तिमल्सिनाले विद्यालयमा हुने गतिविधीहरुको बारेमा प्रष्ट पारेका थिए । विद्यालयबाट वर्षभरि विभिन्न कार्यक्रममा समाहित भई उत्कृष्ट नतिजा ल्याउने जेहेन्दार विद्यार्थीहरुलाई सुदेशा रत्न प्रदान गरिएको थियो ।

:492 Views

Leave a Reply