हप्ता लामो कारखाना मेला स्थगित

काठमाडौं । सार्वजनिक जमघटबाट टाढा रहन सरकारले गरेको अपिललाई ध्यानमा राखेर सुरक्षालाई प्राथमिकता दिदै, एक हप्ते लामो कारखाना मेलाको सबै सार्वजनिक संलग्नता भएका कार्यक्रमहरू स्थगित भएको छ । यद्यपि शिक्षा क्षेत्रका व्यक्तित्वहरुले भने व्यक्तिगत रुपमा वा सानो संख्यामा भ्रमण गर्न आयोजकले बताएको छ ।

कारखाना एक नेपाली शैक्षिक संस्था र बालबालिकाहरुका लागि सिकाईका अनुभवहरू डिजाइन गर्ने मेकरस्पेसको रुपमा चिनिन्छ । राजधानी काठमाडौंबाट पोखरा, विराटनगर, बुटवल, चितवन लगायत भारत, बंगलादेश, दुबई तथा अन्य दक्षिण एसियाली देशहरुमा पनि कारखानाका कार्यक्रमहरु फैलिएका छन् । ६० जना उस्तै विचारधाराका भएका व्यक्तिहरूको टोलीले यो संस्था चलाउँदै आएका छन् । कारखानाले प्रत्येक हप्ता लगभग ६००० जना विद्यार्थीहरूलाई स्टीमका (STEAM-Science, Technology, Engineering, Arts & Design, Mathematics) कार्यक्रमहरू संचालन गरि, पढाई सामग्री (किट्स)का मध्यमबाट प्रभाव परिराखेको छ ।
कारखानाको दृढ विश्वास छ कि आजका छुकछुके नै भविष्यका निर्माता हुन् । उनीहरुको क्षमता र मनोवृत्तिको विकासले नै आफ्नो भविष्य र समुदायको भविष्य निर्माण गर्न मद्दत गर्दछ। कारखानालाई स्थानीय स्तरमा नव परिवर्तनको भावना जगाउनका लागि सिर्जना गरिएको थियो जसबाट विश्वव्यापी प्रभाव पार्न सकियोस । २०१२ सालमा स्थापना गरिएको कारखानाको मुख्य उद्देश्य भनेको बालबालिकाहरूलाई विज्ञान र प्रविधि प्रयोग गर्ने रचनात्मक तरिकाहरू देखाउँदै, केही बनाउदै पढ्न सिकाउने हो ।

नेपाली विज्ञान पाठ्यक्रम र सिकाई पद्धती राम्रै सैद्दान्तिक ज्ञान दिन्छ तर व्यवहारिक विज्ञान सिकाई र पढाईको भने ठूलो अभाव छ ।कारखानाका किताब र विज्ञान विषयको पढाई सामग्री  विशेषगरी शिक्षकले भोग्ने चुनौतीलाई सोचेर तयार पारिएको छ । त्यसकारण किट्सहरु  थोरै मुल्यमा उपलब्ध छन् र यसको लागि विशेष ल्याब अवश्यकता पनि पर्दैन । यी किट्स प्रयोग गर्नको लागि हरेक कक्षाकोठा नै ल्याब हुन् । संगसंगै २१ औं शताब्दीमा सान्दर्भिक हुनका लागि बालबालिकाले आफ्नो ज्ञानलाई किताबभन्दा बाहिर पनि विस्तार गर्नुपर्छ भन्ने कुरा कारखानाले जोड दिएको छ । बालबालिकालाई रमाइलो लाग्ने खालका विषय – प्रविधि, गेमिङ, रोबोटिक्स, एनिमेसन, क्राफ्ट  जस्ता कार्यक्रम तयार परेर बालबालिकाहरुलाई सफ्ट स्किल  र क्रिटिकल थिङ्किङ सिकाउन काम कारखानाले गरिराखेको छ । यस फाल्गुन २४ गते हुन लागेको कारखाना मेला उद्घाटन समारोह, फाल्गुन २५ को जेननेकस्ट पार्टी र अन्तिमको चैत्र १ गतेको भव्य सार्वजनिक कारखाना मेलालाई स्थगित गरिएको छ । कार्यक्रममा सरकारी कार्यालयका प्रतिनिधि, कूटनीतिक नियोगहरूका प्रमुख, तथा सुरक्षा बल, खेलकुद, संगीत र चलचित्र उद्योगका व्यक्तित्वहरुलाई पनि आमन्त्रित गरिएको थियो। चैत्र १ गतेको सार्वजनिक मेला भने विभिन्न क्षेत्रका व्यक्तित्व, विध्यालय व्यवस्थापक, शिक्षकवर्ग तथा अभिभावकजन र बालबालिकाहरुलाई विशेष लक्षित गरि तयार पारिएको देखिन्छ ।

यद्यपि इच्छुक विध्यालय व्यवस्थापक वा शिक्षकवर्गका लागि भने फाल्गुन २४ गतेदेखि चैत्र २ गते सम्म कारखानाको स्थलगत भ्रमण खुल्ला रहनेछ । स्थलगत भ्रमण व्यक्तिगत र साना समूहमा गर्न सकिने आयोजकहरुले जनाउनु भएको छ । कारखानाको स्थलगत भ्रमणबाट यी विचार धारालाई अझै गहिरो रुपमामा बुझ्न सकिनेछ ।