नेशनल प्याब्सन भक्तपुरको जिल्ला अधिवेशन सम्पन्न, अध्यक्षमा खड्का

भक्तपुर । राष्ट्रिय निजी तथा आवासीय विद्यालय एसोसियन नेपाल (नेशनल प्याब्सन) भक्तपुरको पाचौँ जिल्ला अधिवेशन सम्पन्न भएको छ । अधिवेशनबाट अध्यक्षमा भाटेढिकुरस्थित मदरल्याण्ड स्कुलका प्रिन्सिपल संजय खड्का चुनिएका हुन् ।

सिन्धुलीको मूलकोटमा भएको कार्यक्रमको उद्घाटन नेशनल प्याब्सनका राष्ट्रिय अध्यक्ष ऋतुराज सापकोटाले गरेका थिए ।अधिवेशनबाट उपाध्यक्षमा पारागन एकेडेमीका पुण्यराम कवां र इमेज स्कुलका शिव कृष्ण कवां, सचिवमा ईडेन गार्डेन स्कुलका जय प्रकाश राई निर्वाचित भएका छन् । कोषाध्यक्षमा प्रसादी पाठशालाका दिनेश शाक्य, सह–सचिवमा विमल मेमोरियलका कुमार थापा र सह–कोषाध्यक्षमा रत्न शिक्षा स्कुलका गीता खड्का छानिएका छन् ।

त्यस्तै सदस्यमा पारीजात स्कुलका विक्रम थापा, युनिटी स्कुलका विपिन गुमान्जु, स्टुडेन्ट एकेडेमीका सुमन शिल्पकार, हिमशिखर स्कुलकी प्रतिमा माक सहित १३ सदस्यीय समितिको गठन गरिएको छ ।

निर्वाचन पछि अध्यक्ष खड्काले निजी विद्यालयहरुको गुणस्तरीय शिक्षाको लागि पहल गर्ने बताए । 

शनिबार भएको कार्यक्रममा नेशनल प्याब्सनका निवर्तमान अध्यक्ष जि।बि खड्काले नवनिर्वाचित कार्यसमितिलाई बधाइ दिएका थिए ।

:412 Views

Leave a Reply