एसईई परीक्षा स्थगित

काठमाडैं, चैत्र ५ । बिहीवारबाट सुरु हुने भनिएको एसईई परीक्षा स्थगित गर्ने सरकारी निर्णय भएको छ। उपप्रधानमन्त्री ईश्वर पोखरेलको नेतृत्वमा रहेको कोरोनाभाइरस रोकथामसम्बन्धी उच्चस्तरीय समन्वय समितिले यस्तो निर्णय गरेको हो।

परीक्षाको अर्को मिति सूचना निकालेर जानकारी गराइने बताउँदै परिस्थितिको गम्भीरता हेरेर भोलिदेखि हुने भनिएको परीक्षालाई स्थगन गर्ने र सम्भावित खतराबाट बच्नुपर्छ र बचाउनुपर्छ भनेर यस्तो निर्णय गरिएको उपप्रधानमन्त्री पोखरेलले बताएका छन्।

यसअघि उक्त समितिले मानिसहरूको भिडभाड हुनसक्ने ठाउँहरू पनि अबको डेढ महिना बन्द गर्न निर्देशन दिने निर्णय गरेको हो।
बिहीवारबाट सुरु हुने एसईई परीक्षामा ४ लाख ८२ हजार ७०७ जना परीक्षार्थी सहभागी हुने बताइएको थियो। परीक्षा बोर्डले स्वास्थ्यकर्मीसहित परीक्षाको सम्पूर्ण तयारी पूरा भएको बताएको थियो।

१७ गते शुक्रवारसम्म चल्ने बताइएको एसईई परीक्षा कोरोनाभाइरसकै कारण स्थगन गरिएको हो।कोरोनाभाइरसको सम्भावित जोखिमलाई ध्यान दिँदै सरकारले बुधवार नै विद्यालयलहरू चैत मसान्तसम्म बन्द गर्ने निर्णय गरेको थियो।

:561 Views

Leave a Reply