प्याब्सन र मिदासबीच एक महिना ई–क्लास निःशुल्क चलाउने सहमति

काठमाडौं । निजी तथा आवासीय विद्यालय अर्गनाइजेसन नेपाल (प्याब्सन) र मिदास एजुकेशन प्रालिबीच मिदास ई–क्लास एप एक महिनाका लागि निःशुल्क प्रदान गर्ने सहमति भएको छ ।

बालबालिकाहरूको घरभित्रको बसाइलाई रमाइलो बनाउँदै कक्षाअनुसारको सिकाइलाई निरन्तरता दिन सकुन् भन्ने अभिप्रायले प्याब्सन र मिदास एजुकेशन प्रा.लि. का बीच MiDas eCLASS App कक्षा नर्सरी देखि कक्षा १० सम्मका सबै बालबालिकाहरूका लागि एक महिनाको लागि निःशुल्क रूपमा प्रदान गर्ने सहमति भएको हो । कोरोना भाइरसको संक्रमणका कारणले अहिले विद्यालयहरु बन्द छन् । जसको प्रत्यक्ष प्रभाव ७२ लाख स्कुले बालबालिकाहरुमा परिरहेको छ । यो एपको प्रयोग गरेर बालबालिकाहरु घरभित्रै पठनपाठन र रचनात्मक कार्य गर्न सक्ने प्याब्सनका अध्यक्ष टिकाराम पुरीले बताए ।

यसरी प्रयोग गरौँ
सर्वप्रथम Play Store बाट MiDas eCLASS App डाउनलोड गरेर Install गरी App खोल्नुहोस् । र App को मेनुमा रहेको Order/ Purchase थिचे पश्चात् Subscription Card थिच्नुहोस् । भौचर कोड मागेको स्थानमा PABSON कोड लेखेर आपूmले चाहेको कक्षाको MiDas eCLASS App प्रयोग गर्नुहोस् ।