दृष्टि बिहिन परिवारलाई रोटरी क्लबको राहत सामग्री

भक्तपुर । मध्यपुर थिमि नगरपालिका वडा न २ मगर गांउमा बसोबास गर्दै आएका १५ दृष्टि बिहिन परिवारलाई रोटरी क्लब अफ मध्यपुर र ईनर व्हिल क्लव अफ मध्यपुरले संयुक्त रुपमा विभिन्न राहत सामग्रीहरु वितरण गरिएको छ । सो राहत सामग्रीमा प्रति परिवार १५ किलो चामल, २ किलो दाल, १ किलो चिउरा, १ किलो चिनी, १ लिटर खाने तेल, १ प्याकेट नुन लगायतका सामग्रीहरु थिए । कार्यक्रममा मध्यपुर नगरपालिका वडा न २ का वडा अध्यक्ष राम थापा मगर, रोटरी क्लव, रोटाराक्ट क्लव, र ईनर व्हिल क्लव अफ मध्यपुरका सदस्य तथा पदाधिकारीहरुको उपस्थिति रहेको थियो । कार्यक्रममा वडा अध्यक्ष राम थापा मगर, रोटरी क्लबका अध्यक्ष उषा प्रजापति, क्लबका संस्थापक अध्यक्ष सुरेन्द बिक्रम प्रजापतिले बोलेका थिए । बिगत १ महिनाभन्दा बढी समयदेखि पूरै देश लकडाउनका कारण दैनिक ज्याला मजदूरी गरी खानु पर्ने सर्वसाधारणको जीवनयापन कष्टकर बन्दै गएको छ ।