कोभिड–१९ विपत व्यवस्थापनमा सूर्यविनायक प्याब्सनको सहयोग

भक्तपुर, बैशाख २१ । विश्वव्यापी रुपमा फैलिएको कोभिड–१९ (कोरोना) का कारण विश्व मानव जाती आक्रान्त भईरहेको वर्तमान परिवेशमा नेपाल पनि प्रभावित भएको कुरा सर्व बिदितै छ । यस संकटको घडीमा हरेक नेपालीले आ–आफ्नो तर्फबाट देश प्रति वहन गर्नु पर्ने उत्तरदायित्व बोध गरि आफूले सकेको सहयोग पु¥याउनु नागरिकको कर्तव्य हो । त्यसैले यस नगरपालिकाभित्र संचालित प्याब्सन अन्र्तगतका ३२ वटा संस्थागत विद्यालयहरुले पनि आ–आफ्नो क्षमता अनुसार सहयोग रकम रु.४,७५०००÷– (चार लाख पचहत्तर हजार) जम्मा गरि त्यस मध्य स्थानिय तहमा कोभिड–१९ विपत व्यवस्थापनका लागि सूर्यविनायक नगरपालिकालाई रु.३,०५,०००÷– (तीन लाख पाँच हजार) चेक मार्फत नगरपालिकाको कार्यालयमा नगर प्रमुख बासुदेव थापालाई प्याब्सन सूर्यविनायक नगर समितिका सल्लाहाकार भुवनलाल श्रेष्ठ, सचिव विनोद काफ्ले, कोषाध्यक्ष भोला चौधरी र प्याब्सन अन्य पदाधिकारीहरुको उपस्थितिमा समितिका अध्यक्ष सानुराजा कार्की र उपाध्यक्ष दिनेश मैनालीबाट हस्तान्तरण गरिएको थियो ।

बाँकी रकम प्याब्सन केन्द्रिय कमिटी मार्फत राष्ट्रिय विपत कोषमा जम्मा हुने गरि पठाइएको सुर्यविनायक प्याब्सन प्रमुख राजुराजा कार्कीले जानकारी दिए ।

:426 Views

Leave a Reply