नेपाल राष्ट्रिय अभिभावक संघ भक्तपुर जिल्लाको बैठक आज बस्दै

भक्तपुर, १२ साउन । नेपाल राष्ट्रिय अभिभावक संघको भक्तपुर जिल्लाको बैठक आज दिनको ३ बजे बस्ने भएको छ ।

कोरोना भाइरस (कोभिद १९) का कारण देशका सम्पूर्ण शेक्षिक संस्थाहरु चैत्र ७ गतेदेखि बन्द छन् । बैशाखको पहिलो साताबाट सुरु हुनु पर्ने शैक्षिक सत्र अहिलेसम्म सुचारु हुन सकेको छैन । नेपाल सरकार शिक्षा, विज्ञान तथा प्रविधि मन्त्रालयले भदौ १ गतेदेखि शैक्षिक संस्थाहरुलाई भर्ना प्रकृया सुरु गर्न आग्रह गरिएको छ । निजी शैक्षिक संस्थाहरुले बैशाखदेखि नै आफ्ना विद्यार्थीहरुलाई अनलाइन क्लास मार्फत पठनपाठन गराइ राखेका छन् । तद्यापि निजी विद्यालयले भर्ना गराउन सकि रहेका छैनन् र आफ्ना शिक्षक÷कर्मचारीहरुलाई तलब दिन सकिरहेका छैनन् ।

आज हुने बैठकमा अहिलेको परिस्थितिमामा कसरी अगाडि बढ्ने, शुल्कको बारेमा, कक्षा संचालन, अनलाइन कक्षा तथा समसामयिक विषयमा केन्द्रित हुने नेपाल राष्ट्रिय अभिभावक संघ भक्तपुरका अध्यक्ष नवराज काफ्लले बताए । बैठकका निर्णयहरुका बारेमा जिल्लाका ४ वटै नगरपालिकाका प्रमुखसँग भेटेर कुरा गर्ने उनले बताए ।