आधुनिक गायनमा कपनकी निमा प्रथम

काठमाडौं, २ असोज । उपत्यकाव्यापी एकल आधुनिक गायन प्रतियोगिताको उपाधि कपनस्थित साम्तेन मेमोरियल स्कुलकी छात्रा निमा साङगमु शेर्पाले पाएकी छन् ।

निजी तथा आवासीय विद्यालय संगठन काठमाडौं (प्याब्सक) को आयोजनामा भएको प्रतियोगितामा वरिष्ठ गीतकार कालिप्रसाद रिजालले विद्यार्थीलाई पुरस्कार वितरण गरेका थिए ।

काठमाडौंको कमलपोखरीस्थित रसियन कल्चर सेन्टरमा भएको दोस्रो प्याब्सक एकल आधुनिक गायनमा कपनकै शारदा एकेडेमीका छात्र अर्पन राई दोस्रो र तिरुपति इङलिस स्कुलका छात्र धुव्र बिक तेस्रो भएका थिए । प्रतियोगीहरुको मूल्यांकन गायिका लोचन भट्राई र संगीतकार सूर्या थुलुङले संयुक्त रुपमा गरेका थिए ।

मेगा राउण्डबाट छानिएका २५ विद्यार्थीबाट उत्कृष्ट १० प्रतियोगीलाई मेडल र प्रमाणपत्र वितरित प्रतियोगितामा प्रथम, द्वितीय र तृतीय भएकालाई क्रमशः ७ हजार, ५ हजार र ३ हजारका साथ ट्रफी र प्रमाणपत्र वितरण गरिएको थियो ।

:575 Views

Leave a Reply